Etschenreutter 39

Geschwulsten / und wassersuchen verzert es:

bo^ese unnd alte geschwer /

allen grind der haut unnd angehnden aussatz heilt es /

auch hufft weh / podagram /

contracte glider / nerven suchten /

und erlambten hilfft es:

nimpt auch hin die schwere des geho^ers unnd ohrensausen:

den magen / welcher die speyß nicht behalt /

stercket es / vertreibt die ho^effer /

heilt die frantzosen /

unnd kompt denen wol so den harn nit halten ko^enden.

3. Huberbad

Das Huberbad entspringt zwischeⁿ dem Rhein unnd schwartzwald /

anderhalb meyl von Margraff Baden /

bey dem dorff Otterschweyer /

welcher miner ist schwebelig mit kupffer unnd wenig alaun vermischet /

derhalben es schier deⁿ Zeller bad in seiner art gleichfo^ermig /

wie auch ettlich meinen das es mit ein wenig saltz vermischt sey.

Derhalben so mans trinckt /

so o^effnet es die verstopffung der innerlichen

                                                                       glider